我地由細到大都係學繁體字、寫繁體字(或者台灣所講嘅正體字)，細細個都知繁體字嘅文化係由遠古到今時今日。台灣遊戲公司 Team9 就為左向繁體字致敬，整左隻遊戲完完全全只係由「繁體字」組成，而呢隻《文字遊戲》仲要將繁體字嘅精粹化成謎題，用文字去經歷一個冒險解謎遊戲。

你無聽錯，《文字遊戲》的確係一隻冒險解謎遊戲，而玩家就操控住「我」喺呢個只「文字」嘅遊戲世界成為勇者，尋找三件失落聖物，繼而擊倒魔龍。玩法以「文字」嘅特性去成為謎題，例子就好似當玩家走到密室時，遊戲內嘅敘述提及「要是哪裡有扇門就好了。」而你則可以靠敘述中的「門」而離開密室。

除左純粹字面上嘅謎題，遊戲中玩家可以解鎖各種文字能力。例如「刪字」，你可以刪除「沒有門」中「沒」字，令門無中生有；「拆字」、「組字」、「推字」，將字句子重新排列，成為另一意思語句。

《文字遊戲》早前已喺眾籌網站集資，雖然已達集資目標，但大家亦可於佢地嘅嘖嘖網中預購(傳送門)。正式版預計今年 5 用就會喺 Steam 平台登場，而前傳試玩版《文字遊戲》第零章將於 1  月 13 日上架，有興趣嘅玩家要留意住啦！