要摸黑玩嘅遊戲大多數都係恐怖 Game，不過今次介紹嘅遊戲《Mørkredd》就係一隻以摸黑為主題嘅燒腦解謎遊戲，而且舊年更勇奪東京大型獨立遊戲節「BitSummit」嘅「最佳國際遊戲」獎項，足證遊戲質素之上乘。

《Mørkredd》由挪威獨立開發工作室 Hyper Games 用咗四年時間製作，以挪威語「Mørkredd」（即係怕黑咁解）為主題，係一款動作解謎冒險遊戲。玩家要喺一片漆黑嘅關卡中，控制兩名角色，移動有如滿月般嘅發光球體，尋找前進嘅線索。遊戲支援二人 Co-op 協力，各自操控角色分工合作，例於一個人負責推波，一個人負責解謎開鎖。

另外除咗解謎，黑暗中會隨時出現敵人，喺意想不到嘅地方展開攻擊。有趣嘅係，當玩家推動發光球體時，黑暗位置亦會隨之改變，考腦筋之餘中為遊戲添加大量刺激感，根據官方所講遊戲推出後將有超過 60 關卡供遊玩。

《Mørkredd》預計於 2020 年 12 月發售，對應平台為 Xbox Series X｜S／Xbox One／PC Steam & Window Store。另外佢亦會喺發行首日登陸 Xbox Game Pass。