你覺得自己嘅人生好荒謬？依家比個機會你重新選擇，你係咪確定會好過依家？荷蘭獨立遊戲製作公司 Frycandle 整左隻叫《Imagine Lifetimes》嘅遊戲，真真正正比你感受下乜野叫做荒謬人生！

《Imagine Lifetimes》其實係一個互動式遊戲，即係好似《Detroit: Become Human》、《Tell Me Why》等，劇情中有不同選項，而玩家嘅決定將會影響最終結局。係將人生所重要決定濃縮晒喺遊戲當中，由成長、交友、學習、工作到建立家庭以及點死都有得你揀，而最後會不斷「輪迴」，重新再選擇。

製作人本來就覺得人生係荒謬，所以《Imagine Lifetimes》當中存在住好多比現實中更諷刺、更荒謬可能性。例如你嘅老師可以係你初戀、交友 App定你一生所愛、工作只係小遊戲、將婚姻價值化等等，而當中更會有啲突發事項會阻礙你嘅選擇，遊戲最終會有廿幾個「結局」比玩家自己懷疑探索人生。

《Imagine Lifetimes》嘅正式版將會喺 Steam 上架，而大家想挑戰自己試玩的話，可以去下面傳送門 Download 嚟試試。

【《Imagine Lifetimes》Early Edition 下載傳送門】