力量 STR＝＋4近攻 Atk（melee）、＋30負重；

智力 INT ＝＋4魔攻 MAtk、 ＋2魔防 MDef、＋2×職業修正 MSP；

體質 VIT ＝＋2物防 Def、＋200×職業修正 MHP；

敏捷 AGI ＝＋2攻速 ASpd、＋2回避 Flee；

靈巧 DEX＝＋2急速 CSpd、＋2命中 Hit、＋4遠攻 Atk（ran) ；

幸運 LUK＝＋2暴擊 Cri、＋2暴擊避免CriFlee、＋0.5物攻Atk；

每 100點嘅素質點會有多 （N／100）^2×10 嘅素質點能力值嘅額外加成。

一個最基本原則就係，單一能力值嘅提升，係以遞減機制慢慢趨向邊際效應，即係投放嘅成本終會愈來愈高，到時就應該改投資其他屬性點。

由於 屬性關係 喺公式上係互乘嘅，所以：

一般來講，技能型除攻擊力外，亦要追求急速、穿透嘅平衡。

傷害附加，係對多段傷害、神聖傷害都適用，比起攻擊力外，技能型更追求傷害附加。一般來講，攻速型除攻擊力外，亦要追求攻速、暴擊嘅平衡。

一般來講，攻速型除攻擊力外，亦要追求攻速、暴擊嘅平衡。

暴傷附加，係增加暴擊傷害，除咗會跟住暴擊倍化嘅攻擊力外，亦可追求暴傷附加。

唔想計餐飽，畀個概念例子大家參考：
你有 6點可以分配到 攻擊、急速/攻速、穿透/暴擊
4、1、1，相乘係 4

2、3、1，相乘係 6

2、2、2，相乘係 8
所以，喺同樣成本、同樣資源下，平衡分配，係最高效率。

傷害公式，N段傷害技能則分別計算N次：

Damage per hit：
{ [ (Original Dmg）×（1＋%DMG−%DMG）×（1＋%PEN−%DEF）
×（Elem）×（1＋eleBuff−eleDef）×（Size）×（1＋SizeBuff−SizeDef）
×（1＋TypeBuff−TypeDef）］×［1＋Buff］×［1−DeBuff］

＋DMG−DMG｝

原始傷害：（（攻擊×技能倍率）＋技能點數）＊陷阱、獵鷹 有 專屬公式

技能倍率愈高，代表提升攻擊力效率愈高；而技能點數，只能用技能等級、穿透、終傷附加提高。

｛原始傷害
×（1+最終穿透−最終防禦）／（1＋最終穿透/2，if神聖傷害）／（暴擊附加，if暴擊）
×（屬性修正）×（1＋屬性增傷−屬性減傷）×（體型修正）×（1＋體型增傷−體型減傷）
×（1＋種族增傷 −種族減傷）×（1＋狀態增傷）×（1−狀態減傷）×（1＋終傷附加−終傷減免）
＋傷害附加−傷害減免｝×段數

暴擊、神聖傷害（無視防禦）時：
｛［原始傷害×（1＋終傷附加−終傷減免）×（1+最終穿透−最終防禦）
×（屬性修正＋屬性增傷−屬性減傷）×（體型修正＋體型增傷−體型減傷）
×（1＋種族增傷 −種族減傷）×（1＋狀態增傷）×（1−狀態減傷）
＋傷害附加−傷害減免｝×段數

＊每段 （ ）內數值，最大為 200%，最小為 0%。

物理攻擊力Atk、魔法攻擊力MAtk

就係字面上寫嘅數值，而因為佢哋本身同提升前嘅屬性點係一個天然嘅遞減關係，所以佢唔會有一啲好特別嘅公式。

基本上除咗魔杖、書以外係魔攻外，都係物攻，而物攻中分近接武器、遠程武器。
每 1點力量STR提升 4點（近接武器）物理攻擊力Atk （melee）；
每 1點靈巧DEX提升 4點（遠程武器）物理攻擊力Atk （ran) ；

每 2點幸運LUK提升 1點物理攻擊力Atk ；
每 1點智力INT提升 4點魔法攻擊力MAtk ；
影響 物理攻擊力Atk 、魔法攻擊力MAtk，仲有 武器、盾牌，以及武器附魔。

最終傷害附加＋%Dmg

最終傷害附加亦可再分為 最終物傷附加、最終魔傷附加。
即乘算增傷；除傷害附加、傷害減免外，與整條乘算式作乘算；技能、狀態增傷係類似計法。

可以透過有傷害附加嘅裝備精煉後獲得；或於伊斯魯德嘅武器附魔抽到。

傷害附加＋Dmg

傷害附加亦可分為 物傷附加、魔傷附加。
計算晒乘算式後，每一段傷害，傷害附加都會增加一個與防禦、屬性、體型無關嘅實數傷害。
多段傷害技能就每段都加一次，作用非常大；
所以普攻、多段攻擊技能係可以用傷害附加來大幅增加傷害，傷害減免就可以大幅減少傷害。
另外，佢嘅同級數值都會比攻擊力多（附魔、裝備係 3倍、裝備強化係2.1倍）。

多段技能例如：
二刀連擊、贖罪、聖光之擊、雙重打擊
、十字驅魔攻擊、光耀之堂、獵鷹突擊、閃電衝擊
、聖靈召喚、元素箭、長矛連刺、螺旋刺擊等
＊粗體表示有效性為高，其他則為與攻擊力、暴擊、穿透等比較，愈後期愈見不足。

附加只能夠透過 盾、飾品，以及武器附魔取得；

由於傷害附加嘅特殊， 衍生出傷害附加流，係對多段傷害技能、神聖傷害都適用類型，

亦由於傷害附加流嘅秒傷閾值非常窄，60～70級約7至12萬間，亦非常不適合對人戰，一般而言雖要配合穿透武器用；所以非常適合坦型、支援型。

穿透與傷害附加比例，維持 5穿透：2傷害附加就好；理論值係（穿透＝附傷＋目標防禦）。

急速CSpd、最終急速%CSpd

急速為技能型角色所需要嘅能力，
可以令角色於 無 可變冷卻、可變詠唱下，用更高技能等級技能，個概念相當於攻速型嘅攻速。
高級屬性為 最終急速，指嘅係可變冷卻、可變詠唱嘅減少秒數，每1%有 0.4秒CDR、0.1秒CstR。

每N個5%最終急速就要 50N急速。以我 1092 CSpd為例。

1092 CSpd＝(50/50*1＋100/50*2＋150/50*3＋200/50*4+250/50*5+300/50*6+42/50*7)*5%

=30.6%最終急速

＝12.24秒CDR、3.06秒CstR

每 1點靈巧DEX提升2點急速CSpd；
影響 急速CSpd，仲有 

雙手斧、雙手槍、雙手杖、書、短弓、短刀、
部份 飾品、盾，
以及飾品嘅附魔。

物防穿透Pen、魔防穿透MPen、最終物防穿透%Pen、最終魔防穿透%MPen

透為技能型角色所需要嘅能力，
最終穿透 喺非無視防禦傷害時，會有增傷效果，個概念相當於攻速型嘅暴擊。
佢哋嘅公式遞減基數係 25，每N個5%最終穿透就要 25N嘅穿透。

穿透只能夠透過
單手劍、單手斧、單手杖、
部份 飾品、盾，
以及武器附魔取得。

技能型由於要用到嘅參數相對少，上下限相對集中，60級前後，秒傷下約 6萬，上限係20～24萬計；但二轉後期會有明顯嘅無力感，等進階二轉及裝備上來後，先會好過一啲。
穿透與傷害附加比例，維持 5穿透：2傷害附加就好；理論值係（穿透＝附傷＋目標防禦）。

攻速ASpd、最終攻速%ASpd

攻速為普攻型角色所需要嘅能力，可以提高普攻速度，類似《老RO》攻速咁，係減少間隔。
高級屬性為 最終攻速，每秒攻擊 5/9*（1＋總合最終攻速）次；即每 180%就秒擊多 1 擊。。

攻速嘅換算機數為50，每N個50%最終攻速就要 50N攻速。

以呢位雙手劍騎士 攻速 809，

809 ASpd＝
（50/50＋100/100+150/150+200/200+250/250+59/300)×50%

＝259.83%最終攻速，連埋下面＋130%，總389.83%。
即每秒攻擊 2.13次。

每 1點敏捷AGI提升2點攻速ASpd；
影響 攻速ASpd，仲有

雙手劍、鈍器、長弓、拳刃、

部份 飾品、盾，
以及飾品嘅附魔。

命中Hit

由於普攻型，會有被閃避風險，所以要配一定命中（但暫時只有打王、賊職會打唔中）
命中都係要運算轉化為 最終命中 。

而遞減基數係 25，每N個5%最終命中就要 25N嘅 命中。
可減少目標最終回避。

等級提升會提升 1點 及 每 1點靈巧DEX提升2點 命中Hit；
影響 命中Hit，暫時仲有 飾品嘅附魔。

暴擊CRI

暴擊為普攻型角色進一步需要嘅能力。
每N個5%最終暴擊就要 25N嘅 暴擊。

最終暴擊係普攻中發生暴擊嘅機率，而暴擊會按暴擊附加計算倍率並且無視防禦及穿透。
會被對方最終暴擊避免減少暴擊嘅機率。

呢位雙手騎暴擊320，最終暴擊28%，即有27.8%+28%，52.8%普攻會打出221%傷害無視防禦及穿透嘅暴擊。但同以往 RO 唔同，暴擊並唔係必中。

每 1點幸運LUK提升2點 暴擊Cri；
影響 暴擊Cri，暫時仲有飾品，以及 飾品嘅附魔。

佢嘅物理攻擊係 1318，每秒攻擊 2.13次，52.8%最終暴擊，暴擊附加221%；秒傷等於6083。

普攻型由於要用到嘅參數多，上下限都比技能型來得廣，60級前後，秒傷下限可以係 3萬，上限係27萬起計。

生存相關屬性：

最大HP（MHP）、最大SP（MSP）

就係字面上寫嘅數值，而因為佢哋本身同提升前嘅屬性點係一個天然嘅遞減關係，所以佢唔會有一啲好特別嘅公式。
而基礎 HP／SP回復量為 每5秒回復 1%MHP／1%MSP嘅量。

等級提升會提升 100點 及 每 1點 體質VIT 增加 200×職業修正MHP；
等級提升會提升 1點 及 每 1點 智力INT 增加 2×職業修正MSP；
而盾牌、披肩、鞋都可以提升MHP。
夢羅克嘅防具附魔，亦可以抽到MHP、MSP屬性嘅附魔。

物防Def、魔防MDef 、最終物防效果 %Def、最終魔防效果 %MDef

物防Def、魔防MDef 係要經過運算轉化為
高級屬性嘅乘算防禦＝最終物防效果 %Def、最終魔防效果 %MDef

以我角色為例 549 防 等於 30.69% 最終防禦效果，就係會將受到嘅傷害減少 30.69%嘅意思。

而防禦嘅 遞減基數係 25，每N個5%最終防禦效果就要 25N嘅防禦。

用上面 549防作例，549Def＝

（25/25＋50/25*2＋75/25*3＋100/25*4＋125/25*5＋150/25*6＋24/25*7）×5%

＝5%＋5%＋5%＋5%＋5%＋5%＋0.6857%＝30.6857 %Def
每 1點 體質VIT 增加 2點物防Def；每 1點 智力INT 增加 2點魔防MDef；
而盾牌、披肩、衣服都會提升 物防Def，而盾牌、衣服、鞋都會提升魔防MDef。
夢羅克嘅防具附魔，亦可以抽到物防Def、魔防MDef 相關屬性嘅附魔。

最終傷害減免-%Dmg

最終傷害減免亦可再分為 最終物傷減免、最終魔傷減免。
即乘算減傷；除傷害附加、傷害減免外，與整條乘算式作乘算；技能、狀態減傷係類似計法。
可以透過有傷害減免嘅裝備精煉後獲得；或於伊斯魯德嘅防具附魔抽到。

傷害減免−Dmg

傷害減免亦可分為 物傷減免、魔傷減免。
計算晒乘算式後，每一段傷害，傷害減免都會減少一個與防禦、屬性、體型無關嘅實數傷害。
多段傷害技能就每段都減一次，作用非常大；
所以普攻、多段攻擊技能係可以用傷害附加來大幅增加傷害，傷害減免就可以大幅減少傷害。
另外，佢嘅同級數值都會比攻擊力多（附魔、裝備係 3倍、裝備強化係2.1倍）。

減免只能夠透過 盾、飾品，以及防具附魔取得。

暴擊避免CriFlee（防爆）

每N個5%最終暴擊避免就要 25N嘅 暴擊避免。
最終暴擊避免可以減少被暴擊嘅機率。

每 1點幸運LUK提升2點 暴擊避免CriFlee；
影響 暴擊避免CriFlee，暫時仲有飾品嘅附魔。

回避Flee

回避只限對普攻（非暴擊）有反應。
回避係要運算轉化為 乘算嘅＝最終回避 。

而遞減基數係 25，每N個5%最終回避就要 25N嘅 回避。

會被對方最終命中減少閃避嘅機率。
每 1點敏捷AGI提升2點 回避Flee；
影響 回避Flee，暫時仲有 飾品嘅附魔。

命中Hit

命中都係要運算轉化為 最終命中 。

而遞減基數係 25，每N個5%最終命中就要 25N嘅 命中。

會被可減少非暴擊時，對最終回避嘅機率。

每 1點靈巧DEX提升2點 命中Hit；
影響 命中Hit，暫時仲有 飾品嘅附魔。

裝備建議

分為副本裝（白裝）、素材裝（藍裝）、代幣裝（紫裝）、MVP裝（金裝）。

愈稀有嘅裝佢嘅精鍊效果愈高，比例為，2（白）：3（藍）：4（紫／金）；
金裝係低等級要求，偏高白值，精鍊效果最高（武器副屬性同藍裝），但育成、入手皆難；
藍裝係最高白值，而且易入手，只要農就得；

白裝就有最好嘅套裝效果。

武器：
藍武器精鍊效果係白裝嘅1.5倍（但2倍成本），即使休閒玩家，我都建議造藍裝武器；因為精練愈高成功率實在太低；而由於藍武升階成本高，所以玩家平日將副本嘅裝分解抽准他幣，抽裝備，省卻素材成本。高階精練時，若唔使用祝福石，建議先做一件低階裝，繼承再試，損壞嘅成本低啲。而金武器有白武器嘅精煉強化版。
盾牌：
唔建議藍盾，能力選擇太少。白盾有較多能力值嘅選擇，而金盾有白盾嘅精煉強化版。
亦可以用來配合飾品觸發套裝效果；例如黃金蟲（反傷）、海盜之王（增傷）、海神（受傷反擊）、月夜貓（解異常持續回復）套裝。

防具：（11月15日更新，白裝套裝效強化）
防具相對自由，白防具、藍防具、紫防具都有各自定位：
白防具更新後，改良後套裝效果上升，黃金蟲（反傷）、海盜之王（增傷）、海神（受傷反擊）、月夜貓（解異常持續回復）都係好強嘅套裝效，只係精煉同基礎弱；與飾品混合組裝，可以有 2套套裝技能。
而藍防具係套裝技能最弱，但最終基礎能力比白防具、紫防具高，精煉效果為兩者之間，
而紫防具有最硬嘅套裝效果，並且精煉效果最高，但副本幣、育成成本亦最高。

飾品：
白飾品針對特定能力提供點數同最終百分比加成，所以飾品一律係白裝比藍裝強；
白裝盾牌有針對例如物傷、魔傷、攻速、急速、物穿、魔穿；
而金飾品有白、藍嘅精煉強化版。

職業分類

官方提供嘅，係最終成型嘅 方案分類；但其實二轉時大家都係 按武器 劃分。
而進階後，會按技能，唔同屬性會有唔同收益，影響到三者互乘平衡個比例。
而二轉時未有咁嘅劃分。

各職吧武器屬性 分類：

紅色列嗰行，就係自帶攻速嘅武器；藍色列嗰行，就係自帶急速嘅武器；
而橙色列嗰行，就係可配盾嘅單手武器（並自帶穿透），另外鈍器都可以配盾。
＊12月19日平衡更新，雙手武器提升，單手穿透武器屬性為雙手武器之80%。
但短刀及鈍器無跟住提升⋯變相被nerf（23號 hotfix 修咗）；
鈍器本身係 62.5%主屬、75%副屬，現今直頭係 50%主屬、60%副屬，遠低於 2／3⋯
（我有去訊講㗎）最後，短刀修正咗（同時，隱匿爆發提高，但變得難無限隱匿）、
暴牧係調整咗（素質點要求集中 STR，技能 聖光之擊：nerf穿透，buff攻擊及技能持續時間），
但係鈍器數值上仍然係其他單手武器嘅62.5%主屬、75%副屬；佢答我會參考意見並反映去開發部。

而飾品嘅替換，隨武器強化，再按；飾品＞護符＞飾品＋護符＞全部；去更換就好。

即二轉時，每當你攻速／急速接近530%／25秒，你就可以逐件更換，甚至大刀闊斧成套換，開啟套裝效果。你會發覺你嘅秒傷，不減反增。
而進階二轉時，由於技能增多，大多急速型應改以25秒或全部主要技能受惠為目標。

我將飾品換成呢 3件，雖然CDR由25秒 變到得返17秒，技能由10級改成用5～6級，6級嘅連刺攻擊仍然係 7萬，但狂擊就由1萬5升到2萬4，我嘅整體秒傷提升30%，耗藍亦減少咗 50%；而且隨急速武器強化、精煉，飾品要嘅反而唔係急速。
（進階後，我改以 25秒為目標，正好遇上雙手武器改強加上精煉、強化提升，剛好 25秒）

急速武器：升級時按CDR去升級技能即可。
而進階二轉時，由於技能增多，大多急速應改以25～30秒為目標。
（25級）攻擊急速戒＋攻擊急速護符＞（40級）攻擊穿透飾品＋攻擊護符
進階前後，可以按職業需要，再選擇以 （40級）、（50級）、（60級），作為最終飾品。
40套，攻擊力高，基礎穿透，較容易被buff提升，較適合 pve 及 套裝效泛用性高；
50套，傷害附加及穿透俱高，但攻擊力低，難以被進二技能buff，較適合pvp及二轉末段過渡；
60套，傷害附加高，基礎攻擊力，穿透武器使用者，並有神聖傷害或／及多段數技能職業用；

巫師之中，火地、冰雷較適合用40、50套，念法可以考慮用60套及50套中魔攻暴擊套。
驅魔牧，有大量神聖傷害及多段數技能，若果錯誤投放到 40套上，將會差距 15～30%秒傷。
二刀刺係可以急速混攻速，如果有學二刀連擊、二刀破甲，係可以用普攻增強穿透效益；
而攻速二刀刺由於多咗心靈振波等神聖傷害技能，混合型或攻速型時可以考慮用 50套裝；毒型就沿用 40套裝，因為毒係睇攻擊力。

而攻速武器，亦應因應攻速武器嘅攻速提升，逐步轉換成 40級套裝。你會見到由於暴傷附加天生 200%加上無視防禦，暴擊嘅傷害係唔暴擊嘅 2倍有多。

攻速武器：二轉時，以 620%最終攻速，即秒擊4擊為目標。
（25級）攻擊攻速戒＋攻速香包＞（40級）攻擊暴擊飾品＋攻擊護符
進階後，可以按職業需要，再選擇以 （40級）、（60級）、（70級），作為最終飾品。

部分混合技能 或 附傷攻速型，亦都識合用 （60級）套裝作為飾品。
按合適程度分，附傷流 有：攻速二刀刺、暴力牧、劍盾騎、長弓獵、單手武器鐵匠

由於魔物，並唔一定係物理攻擊，亦有普攻係魔法攻擊嘅魔物，所以論泛用性，不如直接傷害附加／攻擊／穿透嘅盾（到達80可用攻速、急速盾從而解放護符），再參考急速型、攻速型去配飾品，沿用急速／攻速護符即可；

但如果你組黃金蟲套裝，就可以用返減傷盾，因為反傷係計原始傷害，所以就算高防禦、減免咗都唔會降低個反傷，只係可能要預備物減、魔減各一個盾牌互相繼承，對應唔同嘅怪物。

單手配盾武器（黃金蟲套裝）：

急速向
（25）減傷盾＋（25級）急速飾＋（50級）穿透附傷飾／（60級）附傷飾＋（25級）急速護符
（40）附傷盾／（50級）攻擊盾＋（25級）急速飾＋（25級）急速飾＋（25級）急速護符

攻速向
（25）減傷盾＋（25級）攻速戒＋（25級）攻速戒＋（40級）攻擊護符／（60級）附傷護符

（40）附傷盾／（50級）攻擊盾＋（25級）攻速戒＋（25級）攻速戒＋（25級）攻速護符

非黃金蟲套裝：
急速向
（60）穿透盾＋（60級）附傷飾＋（60級）附傷飾＋（25級）急速護符

攻速向

（40）附傷盾＋（40級）暴擊飾＋（40級）暴擊飾＋（25級）攻速護符

盾：（25）減傷＞（40）附傷
進階後，可以按職業需要，再選擇以 （40級）、（60級）、（70級），作為最終飾品。

驅魔／讚美書：
回復只睇魔法攻擊；但當驅魔時，而光耀之堂、十字驅魔攻擊都係低倍率高段數驅魔技能，轉生術、神聖之光亦會暴搫，無視防禦；所以穿透並唔能夠套用到所有驅魔技能上；反而魔傷附加更合適。
單手杖：（25級）魔攻急速戒×2＋（25）急速護符；盾：（50）魔攻
驅魔書：（60級）魔攻／附傷戒×2＋（60級）附傷護符
讚美書：（25級）魔攻急速飾品×2＋（40級）魔攻護符

操作建議：

雖然隻GAME 有設置自動掛機，但當去到 35以上副本同打MVP、MINI；應該將個自動設成

原地掛機；（咁就唔怕走緊、避技招式嘅時候，被個自動拉返去王身邊）

自動施放：不斷施放嘅攻擊技能、持續循環技能；

手動操作：移動、逃生技、關鍵技能、大硬直嘅技能；

自己行埋去王身邊打，而且手動操作關鍵技，以防失誤。