Sony 表示 PS5 上市後，將不支援 M.2 SSD 擴充功能，直至另行公佈為止，到時會推出 Patch 更新軟體。

PS5 機體上有一個支援 M.2 SSD 嘅擴充插槽，不過官方就表示，呢個功能將會停用至另行通知。PS5 設計工程師 Mark Cerny 表示，市面上嘅 M.2 SSD（PCIE 3.0 傳輸規格）讀速過慢，未能支援 PS5 機能，玩家必須使用 PCIE 4.0 規格嘅 M.2 SSD。因為 機體外置嘅 M.2 SSD 將會與 PS5 內置嘅 SSD 享有相同權限與功能，所以必須使用讀寫速度與內置 SSD 相等嘅外置 M.2 SSD。

因為市面上暫時未有大小、厚度、速度與 PS5 完全相容嘅 M.2 SSD，目前 Sony 建議玩家等候官方測試完畢後，先跟住佢地公開嘅對應硬件名單選購 M.2 SSD。

由於早前有測試指出 PS5 內置 SSD 實際可儲存資料容量只有 667  GB，而大部份 3A 大作容量動輒破 100 GB，例如《Call of Duty: Black Ops Cold War》容量已達 133 GB；所以 PS5 玩家或者要小心計算自己主機上面容量要如何分配，直至官方公佈外置 M.2 SSD 擴充功能嘅消息為止。