墳場經營模擬遊戲《Graveyard Keeper》即將推出全新 DLC「Game of Crone」，是次 DLC 將於 10 月 27 日上架，正式價格有待公佈，暫時未知會否同步對應 PC 以外機種。

《Graveyard Keeper》係一隻富有黑色幽默嘅經營模擬遊戲，玩家飾演墳場管理人，必須販賣死體及內臟器宮賺錢，務求做到個墳場有聲有色；由於題材獨特，遊戲推出之後更於 SNS 上成為玩家一時話題。

今次嘅 DLC「Game of Crone」帶來新嘅故事內容，向玩家揭示有關上一任墳場管理人所隱藏嘅秘密。同時，玩家同時需要設立難民營，去保護一班逃獄嘅犯人，免得佢地受到鄰近吸血嘅襲擊。

工作室表示，「Game of Crone」大約需要玩家 6～12 小時遊玩時間，除左上面提到嘅吸血鬼要素，亦會加入新嘅合成 Recipe。10 月 31 日就係萬聖節，玩家不妨入手埋呢隻 DLC 感受下節日氣氛！

《Graveyard Keeper》本篇遊戲已於 PC（Steam）、PS4、Xbox、Switch 多個平台推出。