人死後究竟會係點？唔同嘅宗教同文化背景都有住不同嘅演繹方式，不過大部份都會話人死後會成為鬼魂或靈體，而且有穿牆過壁嘅能力。如果將鬼魂嘅視覺變成遊戲的話，又會係咩玩法呢？由上年一隻極具創意嘅益智遊戲《Wilmot’s Warehouse》 班底 Hollow Ponds 以及 Richard Hogg 共同開發，全新冒險解謎遊戲《I AM DEAD》將於 10 月 8 日登陸 Steam 以及 Nintendo Switch 平台。

玩家喺《I AM DEAD》中扮演剛剛去世嘅博物館館長 Morris Lupton，死後終於同佢嘅愛犬再次團聚，但佢地發現生前所居住嘅家園Shelmerston 小島上嘅火山即將爆發。為拯救家園阻止災難降臨，玩家要同其他靈體溝通，並且利用死後嘅能力去窺探人及物件內部，從而搵出令火出再次沉睡嘅方法。

玩法新穎而且兩個平台都有中文版本，想輕鬆玩下啲解謎遊戲嘅朋友要留意住呢隻《I AM DEAD》啦！