由 The Molasses Flood 開發，全新沙盒式動作冒險遊戲《Drake Hollow》，雖然早喺一個月前就已經喺 Xbox One 平台開售，不過 10 月 1 號將會喺 Steam 以及 Xbox Game Pass 登陸。

《Drake Hollow》個故事背景同好多日本動漫劇情好相似，又係玩家被選中嚟到呢個異世界「The Hollow」中發生。 造型成棵菜咁嘅就係「Drakes 」，喺呢個異世界土生土長嘅種族，睇佢地個樣都知唔係打得嗰啲，仲加上有啲凶猛嘅怪獸來襲，結果就召喚左玩家們嚟異世界保衛家園。

如果淨係打「怪獸」就唔會特別同大家介紹啦！《Drake Hollow》係支援多人合作，喺遊戲中玩家們要「Drakes 」佢地建設唔同嘅設施、開墾資源、製造抵抗外敵嘅武器等等。仲要出外探索新資源，開拓新嘅營地，所以搵多三個 Fans 一齊分工一齊玩就啱啱好啦！

《Drake Hollow》已經於 Xbox One 平台上架， 10 月 1 號將登陸 Steam 以及 Xbox Game Pass。