而家啲賽車遊戲越出越靚，操控感越黎越真實，不過以前街機啲賽車 Game 大部份都係漂移漂到番梘咁，例如《Daytona》、《Ridge Racer》、《Outrun》等等，蒲開機舖嘅朋友一定唔會陌生。即將推出嘅《Hotshot Racing》就係以復古街機味為賣點，想試下舊世代賽車係點玩的話係機會啦。

《Hotshot Racing》由 Lucky Mountain Games 及 SUMO Digital 開發，後者曾開發《Outrun 2006》、《Forza Horizon 2》、《Sonic 賽車》等作品，製作賽車遊戲經驗豐富。遊戲風格採用復古街機風格，刻意使用 Low-Poly 風格製作，營做出懷舊味道。另外喺呢隻遊戲入面，漂移時係會加速的，同其他賽車遊戲唔同，所以要盡可能保持長時間漂移。

《Hotshot Racing》除計時賽外，每種模式都有單人模式、四人分割螢幕模式以及八人線上模式，而單人模式則以 60FPS 速度運行。遊戲現時提供 16 條賽道，包含沿海路段、叢林、高山、沙漠等環境。另外仲有經典賽車模式、計時賽、大獎賽模式，亦有警察和強盜、駕駛或爆炸呢類特別模式以供遊玩。

《Hotshot Racing》已經推出，對應平台為 PS4 / Xbox One / Nintendo Switch / PC Steam & MS Store。需注意 NS 版暫時只有美版及歐洲版，另外擁有 Xbox Game Pass 的玩家可直接進行遊玩。