Square Enix 於 9 月 9 日正式發表《電車GO》系列新作品《電車GO!! 奔馳吧山手線（電車でGO！！ はしろう山手線）》，對應平台為 PS4 及 Switch，當中 PS4 版本將率先於 2020 年 12 月 3 日推出，預計定價為 7,800円；至於 Switch 版發售日及定價則會於稍後再公佈。

《電車GO!! 奔馳吧山手線》是以 2017 年街機版本加以改良嘅遊戲，以 JR 環狀路線「山手線」作為遊戲版圖，並由 Taito 與 Square Enix 聯手合作家用機版。Square Enix 負責遊戲視覺（Visual Works）方面嘅工作。

《電車GO!! 奔馳吧山手線》當中最具特色嘅部份，係加入左山手線最新嘅「高輪 Gateway（高輪ゲートウェイ駅）」，即日本東京都港區港南地區一個東日本旅客鐵道車站，呢個車站於 2020 年 3 月先至正式啟用，對於今年未有機會去東京旅遊嘅玩家，話唔定係一個吸引嘅賣點。

PS4 版本同時對應 PSVR，玩家可以第一視點坐觀 JR E235 系列駕駛席嘅景色，亦加入左埼京線、成田 Expresss 等等路線及車箱。

《電車GO》系列至今已超過 20 周年，假如你係日本電車迷，記得萬勿錯過呢個經典技術向嘅遊戲。