由近年製作多隻好評電腦動作遊戲公司 10tons Ltd 開發，開放式世界生存遊戲《DYSMANTLE》，將會喺今年秋季登陸 PS4、Xbox One、Nintendo Switch 以及 Steam 平台。
《DYSMANTLE》個故事背景簡單解釋就係喪屍版《Fallout》，玩家喺末日庇護所唔知生活左幾多年後悶得滯想出嚟睇下個世界變成點！
如果你喺佢身上搵到割草式屠殺喪屍快感的話，咁就要你失望啦，因為末日喪屍只係配菜，主菜係佢嘅開放式世界！有日夜、不同地型呢啲基本野就必需咁滯啦，不過製作方話遊戲中超過 99% 物體都可以進行破壞、分解，再獲得資源製作道具同建築等等。打獵捕魚殺喪屍，建立末日後 Happy Farm，甚至解除魔法陣去地下城探險，總之享受末日後生存之旅。(喂…點解我會諗起 Minecraft 呢？)
雖然除左官方所出嘅預告片之外就冇任何其他嘅遊戲試玩片段，不過以 10tons Ltd 嘅往續有住大量極高評價作品之下，《DYSMANTLE》呢個遊戲名字已經值得大家留意住！
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW