第一篇新秀小心得，請多多指教。大家都理解遊戲基本系統，或者都玩過兩三周目，但點解總係育成唔到高Cost角色？希望以下幫到你。

首先本人都係手殘一族，打無雙出身嘅手操反應會有幾勁大家心照，有時都係鳩㩒。而我玩頭一周目，都係得低Cost角色，係慢慢再玩先發現當中方法，當然大把高手都知，我只係希望可以整理出來。

首先Cost呢個概念，你要知道主要由主動技能/被動技能/基礙數值 3者構成，所以你學唔學到啲高Cost技、學唔學到多幾格技例如雙人射門，都會直接反映在總cost值，而至於實際好唔好打，其實又同Cost無好直接關係，因為有啲低cost技，配得好，都未必弱過盡谷。以下我認為係玩Hero嘅心得：

1 請放棄大器晚成觀念

其實點解自己個比數同人哋差咁遠，唔一定係技術問題，而係戰力問題。緊記，呢隻game你愈早勁愈好，愈早勁就好易入到健威同希林狄（牛油手），你要射四下健威，但人哋射兩下就入，對普通龍，你要射兩下，我射一下入，個分別就喺呢度。

國中入健威 6 球

2.請升弱隊友

新秀打國中時，請盡快升晒各位隊友嘅友情，配合同隊易升道具，最好第二場就爆晒Rank S。為乜？就係為個羈絆技能，令自己大幅增加攻力（今次只講前鋒），你就可以用最快條件入波。當然只係條件，入唔入都係靠你。以武藏為例，整個國中時代，我都係靠羈絆同猛虎射球，好快就過100cost。但要記住，志偉小志強三衫國中時上唔到S，前鋒拎到小志強招射就得，其他隨意，除非你想到世界賽時/Dream Team時夾小志強。

留意一眾弱角都係 Rank S 的

3.請先計劃好路線

打第一次、第二次叫享受遊戲，但再打時，就要先計畫好。我指嘅路線唔係講「美國線」、「德國線」（即普通結局）、「巴西線」，而係用「超射」同隊長技去考慮。我會建議如果你想盡學某一個國籍球員嘅絕招，盡量將5個位入面分3個位，例如巴西，我會選辛坦拿、里奧同巴隊，另外兩個位就俾其他國家（最好同一國家），用3主2副去玩。

4.請配合技能

如上所講，如果你大器早成，入球能力唔弱，就盡量多用差3分大幅增加友情、大幅增加能力等等技能，你就算中途結束唔要50點都要打出3分，以獲取最大友情度和盡拎350（350-50你當300囉），咁你就可以好快就升到高Cost，而早期高cost優勢更明顯。隻game係咁，你愈早勁，就愈易玩，反而一弱，就好難再勁得返，變咗場場惡戰。

5.超射請睇清楚描述

我中過兩次招，結果係要重新升。記得，你張卡rankS，啲技學得7788，到四強就出到超射任務（如有更早單聲），但超射係要係裝備某種射門後，再取得A 先有，例如奈布倫招超射，你要用加農炮去射拎A先有，辛坦招雙人超射，仲要你裝上巴隊嘅神聖射門先得。最白痴係，佢到特別任務個畫面時，你已經入唔返裝備畫面，咁你點轉技呢？嗱，你點搵都係轉唔到，但佢會喺係選任務時，問你裝唔裝，但個畫面勁似玩唔玩教學，我以為係教學，選咗No，結果返唔到轉頭，大家真係要小心。

6.比較出眾技能

呢部份我都唔敢講，一來太多高手，二來pvp我徘徊喺400，好難有咩說法。之不過，都有啲技能大家可以留意下，被譽為鬼神級的比爾有招「球場藝術家」1對1決勝大幅加VZONE；辛坦拿「神子」，只要一直持球過人，愈過人射波威力就愈勁，完全係獨食用；前鋒如果放棄搶波，可以用法國前鋒招「風險風格」，加搶波消費但大幅加能力；「靈魂傳球」（死唔記得係邊度學），傳球成功時，大幅增加隊友精神，即係補血；健威招「緊急迴轉」大幅加追波跑速＋「起死回生的守備」（又唔記得問邊個學）增加朝向對方較遠持球球員時嘅跑速，兩樣一齊用，再加埋搶波時動作大幅增加速度嘅「足球獵人」，感覺都幾機動。至於後防，記得要睇有無「鬼神的守備」，留返你一個人就會大幅增加能力；仲有保住個波嘅技能「護球之鬼」，扭人快要被搶時，花30%就可以保住個波，咁你再扭再入ZONE再加精神，理論上真係無敵架。但實在太多技能啦，心得有限，等大家自己發現算。