早排 COD 系列終於有新作消息，加上題材以歷史為主軸，的確頗為吸引。但係《COD: Black Ops Cold War》之前條預告片出街後，因為有一秒「天安門事件」畫面，牽動到一眾中國小粉紅神經，紛紛大叫「辱華」，抵制之聲不絕。面對呢個情況，開發商動視（Activision）選擇嘅對應措施就係刪除有關畫面，仲要係偷偷地果隻。
喺預告片「Know Your History」入面以前 KGB 叛逃告密者 Yuri Alexandrovich Bezmenov 一段知名訪問作引子，然後逐一播放冷戰期間各種歷史事件，例如戰後美國經濟上升、越戰反戰運動、阿波羅登月計畫、美國黑人民權運動、自由主義 vs 共產主義等等。當中自由主義 vs 共產主義係當時的確係世界大潮流，所以唔少得世界各地爭取民主運動嘅畫面，而「天安門事件」呢個咁有代表性嘅運動自然被收錄在內。
就係呢個畫面！
一個紀錄歷史事件嘅畫面，可以係中性嘅，不論你係支持定反對一方。畫面只係紀錄一件真正發生過嘅歷史，但係呢幕被中國小粉紅睇到之後，自然發晒癲真，甚至覺得係「辱華」，即係有越戰畫面就「辱美」，攻占巴士底監獄就「辱法」？不過重點係開發廠商動視將原版 2:02 分嘅預告片偷偷刪除，再換上一條經剪輯過只有 1:00 分長嘅片（Xbox YouTube channel 都換咗）。
留意 Xbox Channel 上載時間係 Set 返做 8 月 22 日
動視可能以為呢個動作神不知鬼不覺，但眾所周知 IGN 會上載一個有佢地 Logo 版本影片，而 GameSpot 就會 Upload 去自己嘅 YouTube Channel，變相幫原版嘅影片備份。
原版預告片大約 1:05 位置，就係「天安門事件」畫面
《COD: Black Ops Cold War》預計於美國時間 8 月 26 日發放更詳細資訊，而騰訊擁有動視母公司動視暴雪（Activision Blizzard） 5% 股份。
不撤不退，我愛香港。