同大家講上網買 LEGO，大家最多咪諗下喺啲網店、拍賣網、Facebook 群組等等，但你又有冇諗過喺國際級拍賣行蘇富比 (Sotheby’s) 度買 LEGO？

東華三院為紀念創院 150 周年，佢地搵左中港台近 60 個藝術家、演藝名人單位聯同香港蘇富比舉辦「滑板藝術網上展覽暨慈善拍賣」，設計出獨一無二嘅滑板創作。而當中包括本地LEGO 專業認證大師 Andy Hung 所創作嘅作品《拼》。(拍賣傳送門)

Andy 講到今次作品以《拼》去命名，除左代表 LEGO 嘅拼砌特色，紅白藍膠袋嘅圖案設計亦代表住香港人嘅拼搏精神。

全球獨一無二，一套三件嘅《拼》仲有唔夠 8 日就截標，而今次成個網上慈善拍賣目的係為拓展東華三院屬校學生之藝術及音樂教育籌募經費，而香港蘇富比將向東華三院捐出拍賣全數買家酬金以及營運附加費。

東華三院150周年：滑板藝術網上展覽暨慈善拍賣蘇富比網站傳送門