LEGO Super Mario 出左已經 10 日，要買要玩嘅都玩過啦！不過見市面上淨係買 71360 Adventures with Mario 呢個 Starter Set 嘅玩家都幾多，玩完個 Starter Set 之後，想試下新野嘅話，有個小小秘技可以教比大家。不過呢個方法就絕對係非官方秘技，玩家自己考慮使用後風險啦。不過如果純粹為外觀造型入手的話，呢個小秘技你可以當睇唔到。(笑)

LEGO Super Mario 有 4 款 PowerUp Packs 大家都已經知道啦，不過如果大家有「除低」過 LEGO Mario 條褲，你會發現入面係有 6 個金屬扣，而 LEGO Mario 條褲上面同時亦有 6 條有長有短嘅軸互相對應。熟悉數學嘅朋友睇完應該都會計得到，6 同 6 相對應嘅組合， 有成 64 個咁多。即係話 LEGO Mario 如果要出晒 Mario 歷代咁造型，其實一啲都唔難。

講返正題，當大家知道原來條褲係有個咁有趣嘅設定嘅時候，咁我地就可以搵個小幫手去幫一幫大家，唔洗特登買條「褲」都可以試到其他 LEGO Mario 嘅技能，而呢個小幫手就只係兩個萬字夾咁簡單！

咁我以 71373 Builder Mario Power-Up Pack 相對應嘅軸去做測試

成功，而且所有遊玩效果同真係換左裝一樣

暫時出左嘅 4 款 PowerUp Packs 嘅褲內軸係咁樣分佈

除左暫時出左嘅 4 款有反應之外，其他嘅組合都只係以藍牙 Logo 去表示，咁亦都代表 LEGO Mario 將來嘅 PowerUp Packs 將會經手機以藍牙系統傳送數據做更新。

最後都講多次，呢個非官方嘅小秘技可能有損壞 LEGO Mario 嘅風險，所以試唔試就由大家自行決定啦！