LEGO Ideas 21323 Grand Piano 仲有幾日就正式發售，不過聽到坊間唔少嘅朋友仔呻，一係就嫌售價太貴，唔係嘅就話個琴太大冇地方擺。但係原作者 Donny 一早已經準備好個 Plan B 比大家，嫌貴嫌大件嘅，不如試下砌呢個 Minifigure Size 嘅迷你版LEGO鋼琴 Mini Grand Piano。

有埋 Part-List 方便大家自己出去執件

而我亦一早收到佢嘅製作說明書同組件，我都一早砌好左出嚟。不過提一提大家，隻 Minifigure 係我自行配搭(枱頭真係得呢隻人仔)，所以大家唔好過份解讀啊！

琴蓋仲可以閂埋添

整座由 Mini Grand Piano 只係用左 127 件組件砌成，如果唔計個紅色地台就只係需要 83 件組件就砌得到！想砌呢個迷你版本嘅朋友，仲唔快啲執定件，到 21323 Grand Piano 8 月 1 號正式發售之後，就可以一大一細咁擺埋一齊啦！