《任天堂明星大亂鬥系列》咁多年黎都深受玩家歡迎，睇落去好易玩其實暗藏極多技巧令人著迷。琴晚 Ubisoft 喺 Ubisoft Forward 線上發表會入面，就正式宣布佢地自家嘅大亂鬥作品《英靈神殿大亂鬥》，即將推出手機版，並且於下月免費上市。

《英靈神殿大亂鬥》由 Blue Mammoth 開發，屬於大亂鬥型式格鬥遊戲。有 50 位獨特嘅傳奇人物供玩家選擇，例如最新傳奇人物 Jaeyun 或 Rayman，玩家能以單人及合作模式進行線上及本機混戰。除了這些傳奇人物外，玩家們也可以遊玩史詩跨界角色，包括出自 Cartoon Network 的《Adventure Time》嘅「Finn」同「老皮」，以及出自 Cartoon Network 《Ben 10》「火焰人」、「鑽石戰神」和「四手霸王」等等。

另外喺影片中見到遊戲內含「季票」型式課金制，即係只要完成任務就會獲得獎勵，但購買「季票」嘅玩家會喺完成同一任務階段時獲得更多獎勵。《英靈神殿大亂鬥》現時已有 Nintendo Switch、PlayStation 4、Xbox One（包含 Xbox One X）以及Windows PC 平台，並支援跨平台對戰。黎緊推出嘅手機版亦都支援跨平台亂鬥。

《英靈神殿大亂鬥》將在 8 月 6 日免費上市，對應 App Store 及 Google Play。