早前同大家介紹過由台灣獨立遊戲團隊 Pupuya Games 開發嘅類《Dark Souls》動作遊戲《小魔女諾貝塔》（Little Witch Nobeta）已經於 2020 年 6 月 24 日於 Steam 平台上架！遊戲一於所料，在推出之後大獲好評，上架短短五日，已售出超過五萬套，而銷售量亦一直上升緊，目前亦於 Steam 平台上累積逾 1,300 個好評。

《小魔女諾貝塔》由台灣獨立製作人花費三年時間獨力開發，亦沒有獲得任何外來資金，但於 2019 年推出試玩版後已獲得高度評價；而同屬台灣的希萌創意亦於同年於 Pupuya Games 合作，負責擔當美術製作部份，例如是遊戲中主要角色包括塔尼亞、莫妮卡、以及目前仲未登場嘅頭目角色設計；同時也支援音樂、宣傳影像等開發部份，以及同時營運 Facebook、Twitter 等社交平台。

遊戲以 unity 開發，故事講述主角小魔女為了解開自己的身世之謎，獨自前往古堡，途中邂逅神祕小黑貓，然後展開驚險之旅。遊戲操作及動作部份早前已撰文寫過，有興趣嘅朋友可參考呢篇文章。