今年 LEGO Ideas 嘅產品，可以話令玩家們期待兼好評。已經同大家開箱評測嘅 21321 International Space Station 國際太空站以及21322 Pirates of Barracuda Bay，唔知大家係咪已經入手？就算你未入手都好，我都要話比你知，Playable LEGO Piano 同埋 芝麻街 123 Sesame Street 都將會於 8 月同同 11 月降臨。

先講 8 月登場嘅將會係好多人期待已久嘅 Playable LEGO Piano。雖然官方仲未有公開資料，但有消息得知製作人 Donny 原定於 7 月中起程到大陸開簽售會，但因疫情關系而有機會將行程擱置。所以大家都可以推論到， Playable LEGO Piano 將會於今年 8 月開售。

而 芝麻街 123 Sesame Street 嘅消息，就要多得德國嘅 Amazon 同大家洩露出嚟。雖然暫時知道產品編號 21323 嘅呢件產品，售價要成 EUR 349.99 (約港幣 $3042)，總件數有成 3662 件咁多，並且會係 18+ 年齡指引，加上產品重量(4.76 Kg)同包裝尺寸(59.8 x 39.7 x 33.8 cm)呢兩個資訊，咁龐大嘅包裝同件數，更加令人相信呢件 11 月開售嘅 LEGO Ideas 產品將會係 芝麻街 123 Sesame Street。

不過最終發售日同產品資訊，都仲要等官方資訊去確定，不過 如果一早預計會入手嘅朋友，記得留意住 8 月同 11 月呢兩個日子啦！