經典戰略遊戲系列《幻想大陸戰記》於 2020 年 6 月 25 日正式推出全新作品 《幻想大陸戰記：盧納基亞傳說（Brigandine The Legend of Runersia））》，是次遊戲為系列相隔二十年後首次推出新作，由 Happinet 開發，由知名繪師「風間雷太」老師擔任人設，配樂則由享譽盛名嘅音樂作曲家「佐藤天平」配樂，對應平台為 Switch。

去年一隻《火焰之紋章：風花雪月》勾起唔少年輕玩家對於 SLG 戰棋遊戲嘅興趣，是次嘅《幻想大陸戰記：盧納基亞傳說》遊玩風格雖與《風花》絕對有所不同，不過由控兵、行軍方向、將領任命等細緻行動都全由玩家決定，喺戰略上絕對有不一樣嘅趣味與難度。

遊戲舞台設置於幻想世界「盧納基亞大陸」，玩家可由六大勢力中選擇，並且可從過百名騎士以及魔物中編成自己部隊作戰，最終目標為統一整個大陸。遊戲中不論隸屬任何勢力，所有嘅騎士、魔物都會隨戰役而成長，亦都因為各色眾多嘅關係，所以會隨著遊戲進度而發展成不同面貌，亦即係有超高耐玩性。

至於玩家嘅騎士、怪物有各式各樣兵種，騎士們有擅長攻擊亦有擅長魔法的，只要反覆戰鬥就會成長，可以透過轉職令佢地成為新兵種。而怪物喺轉職後會變成高階種族，有時會甚至會擁有凌駕騎士嘅能力，十分可靠。

Nintendo e-Shop 上同時提供遊戲嘅 Demo 版本（存檔不可過繼），想感受遊戲操作嘅朋友可以先考慮試玩。呢隻遊戲係編輯部今年期待作品之一，日後會再同大家分享遊玩感想！

《幻想大陸戰記：盧納基亞傳說》已於 2020 年 6 月 25 日上架，對應繁體中文。