10273 Haunted House – 3231 件 – USD $249.99 (香港售價 $1899)

盒側都已經寫明係「遊樂場系列 (Fairground Collection)」

18+ 呢個年齡指引已經開始見怪不怪

盒底講明可以加官方出品嘅 Powered Up 嘅組件，令 10273 Haunted House 可以電動兼手機遙控

3231 件組件分 18 部份，一張貼紙都冇！除左有埋平時嘅製作書之外，仲加埋份 LEGO LAND嘅宣傳單張同優惠券

製作書仲有 10273 Haunted House 整個製作班底嘅合照

而且喺製作過程中，當大家砌到某啲部份，製作書中亦有註解講返個裝飾嘅由來。

睇埋 Minifigures 就進入製作部份啦，今次 10273 Haunted House 話就話有 9 隻 Minifigures，但實際上得 7 款

5 個遊客，其中三個仲有雙表情添

記性好的話，你仲會發現其中一個女遊客，係著住LEGO Hidden Side 入面嘅 Newbury High School 運動服添

仲有兩個票務人員

10273 Haunted House 實際上係個遊樂場設施，所以呢兩隻鬼你可以當係”演員”

一開始先砌屋外嘅墓地，唔知係咪為左紀念已離職嘅產品設計師 Tiago Catarino 而特登惡搞呢？

呢部份就係負責「跳樓機」可以卡住喺樓頂嘅機械部份，係咪有啲似汽車嘅”極力子“呢？

大門仲有無障礙設施，真正令到 LEGO 世界更貼近現實，亦可以從中教導小朋友殘疾人士權利嘅重要性！

大門仲可以由右側機關打開

大門直入就係售票處

不得不說，10273 Haunted House 入面最靚最吸引嘅裝飾，一定係呢座管風琴

屋內嘅大部份裝飾，都係嚟自 98-03 年嘅 LEGO Adventurers 主題產品，你又認唔認得晒？

裝飾上另一驚喜，必定要講呢幅 Samuel von Barron 嘅畫像，用一個非常精巧嘅方式將邪惡法老 Pharaoh Hotep 嘅影像投射喺畫像當中

個效果仲要做得好靚！

呢個「Manor von Barron」嘅牌，就係個燈掣開關，係咪收得好埋呢。

相比內在咁多裝飾，睇返外觀反而變得有啲樸素

結構嘅穩固性，10273 Haunted House 係絕無欺場

但當你仔細睇，一啲斜邊同夾縫位置做得非常有心思。邊沿位置加多組牆邊件，做返個屋簷，令屋頂睇落更豐富。

準備好啦！不過因為香港六月開賣到今時今日，官方途徑係冇方法獨立去買 88008 同 88009 呢兩款咁重要嘅 Powered-Up 組件，所以我只係以手動方式操作去同大家繼續。

未砌到個「跳樓機」結構，我都仲未完全感受到 10273 Haunted House 嘅強大，當我完成之後真係可以講佢一玩難忘。

「跳樓機」其實係以崁入式，就咁將成個座位放入?槽

「跳樓機」座位左右兩邊車轆其實同升降動作完全無關

點樣令「跳樓機」上升？就係全靠呢個扣

鬼屋背後嘅操控部份

屋側(藍箭咀)個把手就負責鏈帶轉動，屋後(橙箭咀)就係開頭嘅”極力子“，其實佢就係負責鬆開安全扣，等「跳樓機」下墮嘅掣！

鏈帶上呢個扣，就係喺?槽勾住「跳樓機」座位，拉動成個座位向上嘅重要部件！

放返入去試比大家睇下啦！

因為有安全扣扣實，所以升到途中係可以卡喺中空玻璃部份比你”影相”(笑)

升到最高點，屋頂門係特別用機關砌到「跳樓機」到頂，屋頂門就自然打開！

咁樣真係可以玩足一日 XD