由獨立遊戲團隊 Two Star Games 開發，全新心理恐怖解謎遊戲《My Beautiful Paper Smile》，以手繪畫風製作，配以獨特不安感去講述一個反烏托邦嘅暗黑故事。

喺《My Beautiful Paper Smile》嘅世界入面，玩家扮演被送到「教育設施」學習成為完美兒童嘅其中一份子(Joyous)，所有被教育嘅兒童都需要長期戴上一個「笑容」面具，以便監察者確保「教育設施」內所有兒童都係正面情緒，否則的話都會被送到一個永遠冇人搵到嘅地方。

而玩家角色就係突然覺醒，唔想被完美化、再教育，想要逃離「教育設施」嘅兒童。喺逃離嘅過程當中，你會了解到一啲已被送走兒童嘅因由同下落，亦會解開「教育設施」嘅秘密同背後目的。

《My Beautiful Paper Smile》遊戲共有 4 章，而第 1 章將於今個月 20 號於 Steam 平台正式上架，試玩版亦即日可於 Steam 平台免費下載。