三上真司聯同 Bethesda Softworks 共同開發嘅全新恐怖遊戲《GhostWire: Tokyo》將於 2021 年推出，對應平台為 PS5 以及 PC。
《GhostWire: Tokyo》於去年 E3 2019 中首次登場（相關報導），以「人們在東京神隱」作為題材，係一隻非常重視畫面呈現嘅第一視點遊戲。玩家將在遊戲中漫遊精美嘅東京，只係呢個「東京」同我地認知嘅東京有少少唔同。
因為喺繁榮背後，同時有強烈的不協和感，遊戲裡面亦似乎加入大量日本傳統文化元素，除左「神隱」呢一個都市傳說之外，仲見到有鳥居、天狗能面等等元素。
最新公開嘅片段當中可見，玩家能夠從雙手使用例如火、冰等屬性魔法去擊退敵人，或者係利用非常玄妙、似係咒術一樣嘅文字經文去戰鬥；而敵人種類多變，富有東洋特色。
三上真司大師操刀，絕對係信心保證之選！宣傳片如下：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。