早於今年四月份時，我地報導過大批任天堂用戶被黑客入侵嘅事件，當中唔少用戶仲遭受金錢損失，所以我地呼籲大家實行兩步認證，以保障你戶口嘅安全（詳文按此）。

任天堂於 2020 年 6 月 9 日正式公開是次事件嘅調查報告，根據佢地數據所得，估算約有 16 萬用戶帳號遭非法登錄，另有 14 萬用戶嘅帳號因此而損毀。

[任天堂HP]4月24日にご報告しました「ニンテンドーネットワークID」に対する不正ログイン発生の件について、更新情報を掲載いたしました。//t.co/HpH1HfdVzP

— 任天堂株式会社 (@Nintendo) June 9, 2020

Wii 及 3DS 用戶當時使用嘅為「Nintendo Network ID（NNID）」，而後來經由 Switch／PC／電話登錄嘅帳號則使用「Nintendo ID（NID）」，NID 同時為目前任天堂主要使用嘅帳戶系統。

當時為咗方便舊有用家，任天堂允許 NNID 用戶直接轉移登錄到 NID 上面，但係當中嘅轉移系統出現漏洞，導致黑客有機會經由傳輸途中，竊取到 NNID 用綁定嘅信用卡或 Paypal 資料。

截至目前，任天堂相信真正遭受金錢損失嘅用戶大約有 1％，而全部用戶已經處理完退款等相關程序。同時，任天堂亦已全面更新網路保安及登入系統，希望可以避免同類型事件發生。

不過，我地都在此再次呼籲各位讀者，假如你係任天堂用戶，希望你都花少少時間完成兩步認證程序（詳文按此），以保障你嘅帳戶安全。