克羅地亞遊戲工作室 Pine Studio 為玩家帶來全新歷險作品《The Academy》，2020 年 6 月 20 日正式上架，同時對應 Steam 平台及 iOS / Android，支援繁體中文版。

iOS 版已可在 App Store 預訂

玩家於《The Academy》飾演男主角山姆，你即將入讀歷史悠久又宏偉嘅「喬木學園」，但在學習背後，你與同學們逐漸發現碩大校園裡面似乎有不少神秘之謎。

工作室目前於遊戲裡面準備了超過二百則謎題，上至謎語拼圖，下至利用設施解謎都有。玩家需要利用自己嘅知識及智慧去渡過所有關卡，從而搵出學校隱藏嘅「真相」。

《The Academy》嘅世界觀明顯受到《哈利波特》影響，而工作室 Pine Studio 亦明言，遊戲形式係受到日本工作室 Level 5 旗下嘅解謎遊戲系列《雷頓教授》啟發。不過，官方對自己創作嘅謎題難度就非常有信心，就算係腦力系玩家都一定會被難倒咁話，唔知又會唔會引起你嘅興趣呢？