任天堂於 5 月 14 日突發宣佈《Paper Mario（紙片瑪利奧）》系列，將於 2020 年 7 月 17 日推出全新作品《紙片瑪利歐：摺紙國王（The Origami King）》，即日開始於 Nintendo e-Shop 上面開始預購，定價 6,578 日圓（含稅），有繁體中文，對應 Nintendo Catalog Ticket。
《Paper Mario》系列係《Super Mario》嘅衍生作品，Mario 等一眾角色將會化為紙片人進行歷險。邪惡勢力「奧利王」佔據咗蘑菇王國，仲將 Peach 公主變成摺紙；為咗阻止「奧利王」想要將全世界都變成摺紙嘅陰謀，Mario 與庫巴等人合作，希望拯救世界。同行仲有「奧利王」嘅妹妹 Olivia，唔知又會與 Mario 眾人擦出乜野火花？
今集嘅《摺紙國王》係《Paper Mario》系列久違四年後推出嘅新作，係一隻解謎動作歷險遊戲。玩家於遊戲中使用「手形圖案魔法陣」，就可以變出「神之手」，並透過控制器操縱方向，去操作「神之手」以解開各種機關。
遊戲中亦會有整齊列隊嘅敵人出現，務求令玩家得到攻擊爽快感。
《紙片瑪利歐：摺紙國王》已經開始預購，以下為官方宣傳片段：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。