大家好，又係我 Snakie 何師傅。

黎到五月新 GAME 數量開始減少，畢竟每年每月都總有兩三個月淡季，如果唔係點顯得佢旺季暢旺。

五月尾既《Minecraft Dungeon》師傅上年係 PAX Melbourne 排左一個鐘試玩左 15 分鐘，起碼個 15 分鐘既 Demo Gameplay 係做得好吸引，同三個路人連機，頭五分鐘打一波怪，一兩分鐘執岩岩跌既裝可以換招，最後隻 Boss 仲要打唔死，咁夠時間 Time’s up 所有同學放低手制就唔比你繼續玩，係比想像中係極流暢爽快好多既 Gameplay。

當然一日未出就不能妄下判斷，始終 Demo如封殺，都係有 d 保留好 d 既。

上年 PAX MELBOUNRE 係小弟咁大個仔第一次親身去 GAME SHOW，澳洲 D GAME SHOW真係流流地。

鬼佬係貼心同嚴謹既，除左提埋你要等兩個鐘，我影哩張佢都以為我偷影 GAME PLAY 即刻有個 SECURITY 要我剷左張相佢。

係哩隻Game未出之前師傅就提早入左 Xbox Game Pass (PC) 睇下有咩玩，因為《Minecraft Dungeon》都會係 Xbox Game Pass上面發售，所以試下早買睇下會唔會早享受啦。

剛剛4月28就推出左用《Gears of War》， 做藍本既XCOM類回合制策略遊戲，《Gears Tactics》，我地開始進入主題睇下師傅仔點睇哩隻大隻仔模擬戰又好玩唔好玩，請看：

影片以外評論 – 戰棋／戰略遊戲沒落？

請注意，以下論點純述筆者個人感覺，帶有情緒及內容偏激，請小心服用。

係玩《Gears Tactics》既時侯，有時侯會進入左回憶MODE，懷念以前玩機戰類格仔戰棋類(SLG)個陣個心情，確實好玩既格仔戰棋真係買少見少，機戰成個系列變左Fans Service，毫無挑戰性，重製個《夢幻模擬戰I & II》直頭誇張，夢４小弟當年爆左超過5次，見到隻1&2 我真係去玩模擬器無咁嬲；RTS既代表《Warcraft 3》,《AOC》，不但前無古人，點估到真係後無來者咁唔開心。

曹操傳絕對係其中一個戰棋遊戲既指標，每十個年頭總會囉出黎爆返次，真係好玩。

經過網上各種爬文了解點解戰棋／戰略遊戲會愈黎愈沒落，其中有兩點想特別詳述：

• 遊戲時間過長，相比其他遊戲學習及回報時間不一致，可能要玩一定時間長先會有特別既成長同分別；反觀現今當道，一個最多五分鐘既教學就可以開始遊戲。速食，簡單，以及戰棋類遊戲玩法暫無太大突破，令到由以前係一線遊戲類別變成而家小眾入面既小眾。
• 開發成本相比當道遊戲重，數字，關卡，角色，故事既設計過程複雜而且細致，否則根本玩唔到；而且比較當道遊戲如MOBA 手機類，戰棋遊戲回報低，導致開發商對哩類遊戲卻步。

睇完之後，真係無咩講，只可以點頭表示認同。

時間同市場會證明邊個係有智慧，當年既戰棋遊戲的確可以令人直豎拇指，可惜起碼暫時哩一刻，市場證明左，簡單速食先係當紮當打既遊戲。

希望早晚可以再玩一次有味道有意思既機戰，唯有等囉，做人最緊要有希望。

除左戰鬥畫面熱血之外，經過一輪鋪排同設計之後成功打出一個目標既傷害同結果，就係戰棋遊戲最好玩既地方。