呢個年代生存遊戲通常都係開放世界、3D模組，例如《ARK: Survival Evolved》、《Conan Exiles》，如果用像素風玩又會點呢？今次介紹呢隻《Nira》，遊戲美術使用像素風表達，亦因為咁所以部份動作要「腦補」先知佢做緊乜，都係幾過癮嘅體驗。

好似呢幅圖咁，我真係 Load 唔到佢做緊乜

《Nira》由 Baseline Games 製作，係一隻節奏快速嘅生存搜索遊戲。遊戲目的好簡單，就係要喺呢個自動生成嘅世界入面，努力地生存。遊戲中可以做嘅野都幾多下，最普通嘅起農場種植食物、釣魚、煮飯，又有得收集資源整物品。又由於夜晚會有生物出現襲擊玩家，所以要起基地為夜晚作戰準備。

當玩到咁上下，又有得馴服動物騎乘，之後仲有得整車同飛機添！

夜晚會有生物襲擊玩家，當中有巨型食人魔 Boss

《Nira》支援最多四位玩家共同遊玩，官方就話未來會增加到最多八人。遊戲現時喺 Steam 做緊搶先體驗，只係 HKD $43，有興趣嘅朋友可以試下。