《集合啦！動物森友會》全球大熱，為數眾多嘅動物亦都各有 Fans，不過始終有特色嘅動物係會受到更多人熱愛，所以就有為日本玩家 PolnoGraffitti 製作呢個全球人氣動物排名榜。呢個榜喺 Twitter Po出黎之後，瞬間引起大量網民轉發，短短一日已經有近萬過 Retweet，非常利害！
あつ森の全世界人気ランキングがこれらしい
ジャックって人気なんだね…前にキャンプ来た時に勧誘しなかったから後悔😭
てか今日あつ森アプデだ！いなりマーケット楽しみ！ pic.twitter.com/T8suMnwOsi— ∠ぽるぽる💪 (@PolnoGraffitti) April 23, 2020
根據排行榜，最高級別 S+ 級動物分別有傑克、莫妮卡、美玲、小潤、章丸丸同艷后，而傑克因為並未有 Amiibo 卡可以「嘟」，所以屬現時最難得到動物，據聞有網友出島刷 400 次都見唔到佢喵影……。另外呢個人氣榜除咗計算角色特別度、稀有度等，連佢哋間屋嘅外觀、入面擺設等等都考慮在內，有一定參考性。
當然，《動森》呢啲類遊戲本身就主張大家有自己個人特色，自己覺得邊隻得意先係重點，人氣高唔高反而係其次，呢啲野真係無乜好比較。好似我個島上面有隻好樣衰嘅羊「皮耶羅」，雖然樣衰，但去到極點時我又覺得好正，而家直頭係我至愛動物添，所以個榜大家其實真係參考下就算。（但係我想要章丸丸同艷后……）
你睇佢幾樣衰~~~（後面果隻就真係好想佢走……）
VJGamer總編，細細個已經蒲機舖，機齡甚深，熱愛電玩文化。