由波蘭開發公司 Ovid Works 製作，以捷克作家卡夫卡經典文學作品《變形記 (The Metamorphosis)》改篇嘅第一身動作冒險遊戲《Metamorphosis》，將於今年夏季喺 PS4、Xbox Ons、Nintendo Switch 以及 PC 平台發售。

一覺醒來，你赫然發現自己變成甲蟲，你唯一嘅朋友亦不知所蹤，除左要搵返失去嘅好友，同時要以微小身軀去尋回原來嘅「人生」。遊戲中玩家除左以甲蟲嘅視角去經歷、探索卡夫卡嘅荒誕世界，你亦需要運用昆蟲嘅特性去克服各式各樣嘅障礙。

都知道呢個年代叫大家拎本書去睇係有幾困難架啦，雖然未知道《Metamorphosis》同原版《變形記》相差幾多，但係以遊戲去令玩家留意一啲經典文學作品，亦算係一個文化交流嘅新方向。下面補多條《Metamorphosis》官方嘅 10 分鐘試玩片段比大家睇睇，有興趣嘅朋友就要留意住佢嘅正式發售日期啦！