講起「用相機拍攝黎捉鬼」呢個主題，相信大家都會第一時間諗起《零》系列。今年二月份時，同大家介紹過受《零》啟發嘅印尼製恐怖遊戲《Dread Out 2》，而日本最近亦有類似題材嘅作品《Onryo | 怨霊》，將於 2020 年 4 月 24 日上架，對應 Steam 平台。

《Onryo | 怨霊》由日本獨立遊戲工作室 Chilla’s Art 製作，遊戲舞台為日本傳統屋敷，裡面有幽靈潛伏，玩家飾演一位去驅鬼嘅少女，故事大綱十分簡單。不過，遊戲公開片段裡面可以見到，屋敷裡面有大量陳舊而薰黑嘅傢俱與衣物，以小本遊戲黎講，屋敷版圖亦算為廣闊，所以玩家要擺脫幽靈與猛鬼的糾纏，去到大屋的核心，可能都要花上一點時間。

最後想同大家介紹一下工作室！Chilla’s Art 實際上為兩兄弟，佢地擅長以日本都會恐怖題材製作遊戲，主打價錢廉宜及貼地題材。

佢地嘅作品有例如早前同大家介紹過嘅《夜勤事件》，仲有以福岡縣宮若市著名恐怖隧道為主題嘅《犬鳴トンネル》、以出過人命嘅房地產作為主題嘅《事故物件》等等，有興趣嘅玩家可以去 Steam 度一探究竟。