中國武漢肺炎搞到全世界雞毛鴨血，各國亦採取唔同程度嘅抗疫症策，不過有一個政策就多數人都認同，就係禁止人群聚集增加感染風險（香港就例外，因為佢個「限聚令」係要黎打壓民眾）。最近就有位個人開發者整咗隻遊戲，就係以呢個「限聚令」為題材，上天下地咁去阻止人群聚集。

個人開發者「もうせ」今日係 Twitter 上公開《密集團解散》，概念係黎自另一同名遊戲，以 Unity 引擎製作。遊戲中玩家將操控一位身存灰色套裝嘅女士，喺紐約市中遊走去尋找聚集嘅群眾，走埋去講「密です！」（太密集了）驅散佢地。最正係呢為女士有飛行能力，可以飛上高樓大廈尋找人群。

//twitter.com/motulo/status/1252024209678745601

而呢為身存灰色套裝嘅女士，應該就係影射緊東京都知事小池百合子。因為佢喺早前一個記者會上，對圍住採訪嘅記者講咗句「密です！」（太密集了），然後就被日本網友瘋狂改圖改片。亦因為咁，呢隻遊戲喺 Twitter 上發佈咗一陣間就有幾十萬人 Retweet，好鬼勁！

Twitter Search #密です！有勁多野睇

由於製作呢隻遊戲嘅開發者係康乃爾大學（Cornell University）嘅大學生，所以暫時都未知正式版遊戲幾時推出，但係就講明一旦推出就會喺網上公開比大家玩，如果你都想早啲有得玩嘅，不妨去佢 Twitter 比啲鼓勵佢啦。不過點都好，作者製作呢隻遊戲都係希望大家留於家中，共同抗疫，大家要努力捱埋佢阿！（我知係好悶……）