武漢肺炎唔只令大家冇 Game 玩，E3、GamesCom 呢啲國際性展覽搞唔成或者要改變成個活動模式等等。主機市場除左 Nintendo Switch 受武漢肺炎影響搞到機價炒上天咁高，今年年尾發售嘅 PS5 都有人放定風話首年產量會少過 PS4 兩至三成。

據 bloomberg 所報導，Sony 內部有人爆料講到因為 PS5 嘅零部件產量少，同時受武肺影響嘅情況下， PS5 嘅產量仲可能會下調。預料 PS5 首年生產數量只係 500-600 萬部，相對 PS4 首兩季嘅銷量，足足少左 150 萬部。

武肺已經打亂晒 PS5 嘅宣傳策略，而且早前 Sony PlayStation 嘅工程師冇辦法飛返去中國嘅工廠進行最終調整。不過 Sony PlayStation 負責人 Jim Ryan 表示， PS5 會於 6 月正式量產，所有生產進度亦喺預期之中。PS5 可唔可以如期發售，喺依家嘅疫情下仲有大量隱憂，不過供不應求嘅狀態下，首批 PS5 炒上天價絕對係預料之事。