將自己縮到蟻咁細，經歷一場大冒險，大家係咪即刻諗到《蟻俠 Ant-Man》呢？由波蘭製作公司 Glob Games Studio 製作，全新開放式動作冒險遊戲《MicroMan》正正就係比大家喺遊戲世界經歷一個《大人國歷險記》。

喺《MicroMan》入面，你將會成為一個實驗室打雜，一次意外令你變到蟻咁細。而你就要以微小嘅身軀穿越”大城市”，尋求回復正常嘅方法。

縮細之後，除左要被免比路人踩死，仲要留意環境中嘅老鼠曱甴，隨時比佢地”鼠”出嚟一啖就咬死你。面對各種古靈精怪嘅挑戰同危機，大家可能會發現一喺意想不到嘅對策。

大城市危險處處，同時機會亦多的是。一啲冇傷害性嘅昆蟲，例如蝴蝶之類會變成你嘅旅程伙伴。街道上嘅落葉、滑板等等亦可以成為你嘅”交通工具”。

雖然睇落啲比例好似時大時細，有啲怪怪地嘅感覺，不過隻 Game 都只係啱啱公開，比啲時間佢地啦！製作方話仲有一啲生存要素嘅設定仲未公佈，所以希望大家密切期待。

《MicroMan》將於 2021 年登陸 PlayStation 5、Xbox Series X、Nintendo Switch 以及 PC 平台。

以下為官方 Trailer：