玩開《機戰》嘅朋友都應該冇可能唔識《三一萬能俠》掛？《三一萬能俠》 1974 年正式開播之後，被定為合體機械人系列嘅開山祖師。《三一》機械人模型咁多年嚟多如繁星，但最近有香港公司拎左《三一萬能俠》版權，不過唔係出機械人，而係出「三一戰機」！

製作方就話以動畫《真三一萬能俠-世界最後之日》做藍本，不過我就覺得似元祖 TV 版嘅戰機設定多啲。不過呢個都唔係最緊要，一盒三款嘅三一戰機 (飛鷹號、獵豹號、巨熊號) 利用透明部件去比玩家清楚睇到機內嘅機械細節以及駕駛倉，加上金屬塗裝以及可動式噴射器設計，重現三一戰機初登場嘅震懾力。

Chindo Palm Control 系列《三一萬能俠》戰機模型，預計 4 月尾正式開售。

資料來源：先導國際