不論細個定依家，打機見到道具嘅時候，大家都會講「食血！」「食心！」「你食左個H先」。獨立遊戲製作公司 Mega Cat Studios 製作左以下呢隻《Bite the Bullet》，唔只向《Metal Slug》同《Rockman》呢類橫向動作射擊遊戲致敬，加左好多奇怪惡搞原素喺當中之外，大家真係可以名正言順講「食左隻怪先」啦！

《Bite the Bullet》呢類 Metroidvania (類銀河戰士惡魔城遊戲)，多武器多技能就一定啦。升技能點嘅部份，就係如我開頭所講，係要靠吞食擊倒嘅敵人而提升。而最有趣嘅地方係有可食用敵人都分四大類別(食肉動物、草食動物、雜食動物以及機械)，食唔同嘅食物就會得到相應嘅技能點。

《Bite the Bullet》對應單機二人合作，話就話今年第一季會喺 Switch、Xbox One 同 Steam 度發售，不過暫時仲未有確實日期同售價，所以想玩嘅朋友就要再耐心等候啦！