於 Capcom 任職多年嘅製作人児玉真佑先生，日前喺 Twitter 上面分享自己離職嘅消息。児玉真佑先生表示，自己於 2020 年 2 月尾嘅時候已經離開 Capcom，離職原因為「將會接受新嘅挑戰」，但係就未交代自己新任職或者新企劃方面嘅資訊。

皆さまお久しぶりです！児玉です！生きてます！

わたくしごとですが、新たなチャレンジのため、２月末でカプコンを退社致しました。ので、これからは外から逆転シリーズを応援したいと思います！

ので、これからは、時々カレーとネコと逆転のリリース済み情報のツイートとなります〜。

— 児玉真佑 (@shinsuke_kodama) March 2, 2020

児玉真佑先生曾任《流星洛克人（流星のロックマ）》系列、《大逆轉裁判》系列嘅製作人，同時亦負責監修 2019 年發售嘅移植版《逆轉裁判 123 成步堂 Collection》呢套復刻作品。

佢早在 2004 年代已經加入 Capcom，曾協助《CAPCOM FIGHTING Jam》及《Mega Man Battle Network 6》等遊戲企劃，可以話係 Capcom 社內非常活躍嘅人員之一。

雖然今次佢未交代自己未來去向，不過佢就寄語玩家，希望大家可以繼續支持往後嘅《逆轉裁判》作品，而自己呢個 Twitter 帳戶，則會繼續分享佢嘅愛貓以及佢最愛嘅咖哩，都希望玩家可以繼續守望佢未來嘅工作。