執屋模擬遊戲《房產達人（House Flipper）》於 2018 年 5 月 17 日於 Steam 上架以來，一直大受歡迎，而遊戲亦已於 2020 年 2 月 25 日登錄家用機，同時對應 PS4（目前有美版及日版，數位限定）及 XBox 平台（數位限定）。

2020.06.09 新增：官方宣佈遊戲將於 2020 年 6 月 12 日登錄 Switch e-Shop 平台！

《House Flipper》當年於 Steam 平台推出一星期，已經登上銷售排行榜第二位，去到而家都仲有唔少 Youtuber 做緊遊戲嘅直播；所以今次登錄埋 PS4，希望多啲朋友可以有機會試到呢隻好玩嘅模擬遊戲。

《House Flipper》嘅遊戲概念好簡單， 玩家嘅任務就係接收唔同嘅爛屋舊屋，將佢地加以清潔、改裝改建，總之就係執靚間屋，務求令到間屋市價上昇，咁就可以賣得好價錢。

點解可以搞到間屋咁

呢度發生過咩事…

當然玩家任務有分簡單同困難，你可以即係達成客戶基本要求、求其執到間屋變返人樣（？）就交貨；你亦可以再錦上添花地，去更換屋裡嘅傢俱，去令到間屋變到示範單位咁就皆大歡喜，收返黎舊錢就好和味～

遊戲採用第一視點操作，不過就算係平時唔習慣第一視點嘅玩家都唔需要擔心，因為遊戲考驗玩家嘅係心思，所以整體操作上面亦傾向順暢簡單。

以前鍾意玩《Sims》系列（但淨係鍾意搞靚間屋）嘅玩家，呢排無街去，呢隻小品遊戲希望適合大家口味；如果你早前已經玩過 Steam 版，亦好歡迎你分享自己嘅感想架！

＜PS 傳送網址＞
＜XBox 傳送網址＞
<Steam 傳送網址>