由獨立遊戲製作公司 A2 SoftWorks 開發嘅《Climber：Sky is the Limit》，將模擬攀登遊戲加入生存元素，帶嚟一個全新嘅遊戲體驗。玩家除左要事先計劃好攀登路線、裝備、補給物品，仲有突如其來嘅天氣轉變、雪崩、冰川裂隙等等致命嘅突發事件，要完成登頂亦非等閒。

出發前計劃好攻頂路線同所需要嘅裝備

每一步都驚心動魄，除左合適嘅裝備，都仲要喺正確嘅時間使用，唔係就隨時無命

就算完成登頂，成個遊戲都仲未完，正所謂「上山容易落山難」，同現實一樣玩家需要安全落山先係完全完成任務。而每次完成旅程之後都會因應玩家攻頂難度、評價等等要素而影響下一次嘅探險資金。

《Climber: Sky is the Limit》將會喺 2021 年先正式登場，而且會登陸於 PC 及各大家用機平台，到時大家可能可以喺 PS5 度登上世界之巔。