10270 Bookshop話係近年最不受歡迎嘅街景大屋 (Modular Buildings)，應該都大把玩家認同。官方設計唔掂，幸好世界各地仲有好多有心有力嘅 MOCer ，面對住呢盒成二千五百件磚嘅產品進行改建，終於都有個似樣嘅 大屋 AMOC 挽救呢盒 10270。

“ Libra Café“ DESIGNED BY Huaojozu

呢個改建嘅 Libra Café 可以話接近用盡 10270 Bookshop 九成嘅組件，而且將原本 10270 好多嘅缺點都大大改良，而且唔洗好似「官方僭建式興建」先追得返平時街景大屋高度。內裡設計將咖啡店同書室混為一體，比起原作更加豐富、更似一間「書店」，同時 10270 嘅「劏房式」壓迫感完全一掃而空。

改觀保留返搶眼嘅翡翠綠，而且二樓露台位置令大屋同街道有返更多嘅互動感

大屋側面嘅落地玻璃設計非常特別，但Huaojozu都有提到 10270 Bookshop 嘅「玻璃」不足，玩家如果想進一步改良嘅話，就最好先配返啲「玻璃」啦！

第一層係咖啡店為主

第二層就係休憩用書室，係咪比原本設計更似一個書店呢！

呢個改建唔只令 10270 Bookshop 嘅購買意慾大增，而且佢嘅外觀結構仲係一個街角咖啡店。計計埋埋如果用Inyong Lee嘅European Jazz Cafe、Corner Museum，加上 Huaojozu 嘅 Internet Café 以及啱啱介紹嘅呢個 Libra Café 就可以組成 AMOC 街景四角去擺放。

大家要砌呢套 Libra Café 的話，記得去下面嘅傳送門買定份製作書，等 10270 Bookshop 去到心水價錢就入手開拓自己嘅 AMOC 大街啦！

“Libra Café”製作書購買傳送門

相關文章：

LEGO集會廣場改建歐陸Jazz Cafe

//bit.ly/2LS9uMs