即將於 2020 年 3 月 12 日推出嘅 PS4 動作遊戲《仁王 2》，將會推出最後一次遊戲體驗版，繁體中文對應，開放日為 2020 年 2 月 28 日～3 月 1 日。

玩家可以於限定時間裡面，挑戰之前 Demo 未公開過嘅場景以及 Boss；假如成功通關，就可以於正式版推出之時獲得特典「鐮鼬頭盔」；同時，如果玩家有前作《仁王》嘅保存資料，遊玩呢個 Demo 時可以使用「複製樣貌」，咁就可以用返前作主角「威廉」嘅外觀遊玩。

而今次 Demo 中創造新角色時保存嘅外觀及外觀設定代碼，將可繼承至正式版。