【玩物評測】隱藏要素多到數唔晒 LEGO國際太空站開箱

幾經波節嘅 21321 International Space Station 國際太空站 終於面世，可惜到開售當日都仲要比 10272 Old Trafford 風頭搶埋，但係 LEGO 太空主題系列嘅 Fans 又點會忘記呢？ 21321雖然大部份人會將焦點放落喺 8 組巨型太陽能發電板上，但事實上佢好多細節連說明書都冇講，甚至可以話特登唔去講！點解？開箱逐步逐步話你知！

21321 International Space Station – 864 件 – 香港售價 $619

近年 LEGO 產品都主動喺包裝盒上面寫埋產品尺吋，方便玩家預留空間擺放。

864 件組件就只係分 6 大包，冇貼紙全印刷件

今次說明書上對國際太空站嘅介紹比已往嘅少，邊部份係邊個國家負責都冇提及

開始砌之前，我地又節單介紹下國際太空站 (International Space Station)嘅歷先。國際太空站係一個由美國、俄羅斯、歐洲、日本及加拿大等首個多個國家合作建造以及運作嘅太空站，亦係人類史上第九個載人太空站。自 1998 年起第一次進行組合對接，一共用左十五年時間建造並且運作至今時今日，圍繞地球運行已經超過 12 萬次，並招待過超過 200 位嚟自各國嘅太空人以及 7 個太空遊客。

2016 年開始仲有國際太空站影返落地球嘅 Live 喺網上 24 小時直播，因為國際太空站繞地球一圈大約 90 分鐘，所以大約每 45 分鐘可以睇到一次日出或者日落，有時仲可能聽到太空人對話！【國際太空站 Live 傳送門】

圖片來源：Wikipedia

21321 頭兩部份係配件同埋支架部份，而 3-6 先係國際太空站部份。

雖然有兩隻 Microfigures，但只係當裝飾用途，完全唔啱放落太空站或穿梭機比例

穿梭機嘅設計同 21312 Women of NASA 當中嘅非常相似，但用件上更進步。

極少見到 LEGO 產品說明書中完全冇介紹係乜配件，但放喺當眼位置。

仲有呢塊印件，大大個牌寫住 International Space Station

完整組裝國際太空站大約用左兩個鐘左右，睇落好似冇乜野玩，但係佢教育意味喺組裝過程已經比埋玩家。

國際太空站本身建造方式就是砌積木一樣，係為十幾年嚟發射多個太空艙組成，所以組裝過程中玩家或多或少都可以體驗到太空站建造過程。

喺還原度上中間一堆說明書冇講解嘅太空艙先係 21321 呢產品嘅精華所在。現實上構成國際太空站嘅太空艙，細小至太空人外出用嘅艙門、穹頂艙，甚至乎配件中嘅類似人造衛星嘅太空船，你都可以在這件產品搵到對應部分。

圖片來源：Wikipedia

太陽能板可以改變角度呢點一定有啦，今次我地主要帶大家睇啲官方冇講嘅野。

艙門竟然係汽水罐蓋XD

NASA製作國際太空站模型，可以見到幾乎所有嘅構造都有還原，就連下面兩架逃生用的聯盟號飛船都有做出來

2016年先實驗使用嘅「充氣活動艙」

日本參與建造的「希望號」太空艙

位於太空站下方嘅穹頂艙，係國際太空站景觀最好嘅打卡位

由加拿大研發的移動維修系統「加拿大臂2」

說明書無介紹到嘅其中幾件隱藏物件，呢件應該係俄制太空船「聯盟號」，在美國穿梭機退役後成為太空人唯一往返嘅交通工具

隱藏物件 2 號，就係 Space X 嘅載貨太空船「天龍號」

隱藏物件 3 號，應該係 Space X 最新開發嘅載人太空船「天龍2號」

總結

玩家拎著呢件產品去同現實中國際太空站嘅資料逐一比對，一定會驚訝一件 LEGO 產品竟然可以將國際太空站超級複雜嘅結構作出咁高還原度，可見負責呢件 21321 International Space Station 國際太空站 監修嘅 LEGO Designer Sam Johnson 以及 Corvin Stichert 落左唔少心血，而且將原作優秀嘅地方更推上一層樓。

官方說明書特登唔記載咁多細節未必係懶或者冇資料，用意可能係為左避免各國或私人企業之間版權同資料嘅複雜性，攞足版權嘅話可能幾落水買唔到添！如果你只係當21321係件普通 LEGO 產品的話，唔只覺得佢 CP 值一般。但你係當做一個國際太空站模型去做一個教育或者學習用途的話，佢絕對係一件有趣並且抵到爛嘅玩物。

相關文章：LEGO 阿波羅登月艙開箱 //bit.ly/2HTcNl9