雖然今年年尾就會推出 PS5，不過目前公開有關嘅對應遊戲資訊極少，相信都要留待下一次「State Of Play」先至會有下一步官方資料。目前消息最為明朗嘅遊戲為《Godfall》，一隻由 Counterplay Games 工作室開發、並由 Gearbox Publishing 發行嘅次世代高難度動作遊戲。

《Godfall》於 2019 年 The Game Awards 時首次公佈，不過前幾日佢地就有一條新影片意外流出，正當大家諗緊係咪真嘅時候，官方就馬上發出聲明，說明片段係 PC 版本嘅測試片段黎，雖然唔係最係遊戲開發最 Updated 嘅版本，不過都可以令玩家進一步了解遊戲嘅戰鬥氛圍。

片段中美麗嘅畫面構成，以及俐落嘅戰鬥畫面，都勾起唔少玩家注意及興趣，所以網友就笑言「根本就係官方宣傳手法黎嘅！」，事實係點或者唔太重要，重要嘅係遊戲本身嘅質素。《Godfall》故事大綱未明，不過已知為一隻可單人遊玩、亦支援三人聯機嘅動作遊戲。PS5 相關資訊相信會喺接下來嘅日子會陸續公佈，就讓我們悉目以待吧。