雖然醒目嘅香港人早就對武漢肺炎提高警覺，但係廢老、大陸人都係自習總承認疫情不受控後先知大鑊。疫症爆發除咗做成生活不便之外亦都令大家提高衛生意識，而大陸人為咗了解更多細菌傳播途徑及提高防護意識，用咗仲好新穎嘅方法，就係玩多年前出品嘅病毒戰略遊戲《瘟疫公司》（Plague Inc.），仲意外地令遊戲推出多年後登上 App Store 榜首。

《瘟疫公司》（Plague Inc.）由 Ndemic Creations 開發，於 2012 年推出，有 Android、iOS 同 Window 版本，屬戰略遊戲。玩家喺遊戲入面要將一種新型病毒傳遍整個世界，最終將所有人類消滅。遊戲特別之處在於使用極真實嘅傳染病模型，亦都會出現人類對抗病毒嘅手段，極具真實感，從中亦都可以學習到各種衛生防護知識。

可以自訂病毒名稱

一入 Game 玩教學 Mode，已經叫你 Set 中國做病毒起源地，成件事幾咁客觀

有極之豐富技能樹，令病毒產生唔同程度嘅抗藥性、增強傳播能力等，需要不停解鎖能力先會見到相關嘅下級能力

遊玩過程中會出現各種事件

目標達成！

劇情模式下仲有好多野玩，例如「虛假消息」，好鬼真實

遊戲本身已經非常高質，雖然 Keep 住有更新，但係推出多年後突然榮登榜首真係好難話唔係「得益」於武漢肺炎，而且坊間仲有消息話官方最近喺武漢舉辦大型實境活動添。點都好，鄰近國家咁鬼恐怖大家出入記得戴返個口罩，至於之前大大聲叫人黑護、黑醫生果啲，學返你哋果套邏輯，有病記得唔好睇醫生，報警得架啦。

中國 App Store 付費遊戲 No.1，好勁