有睇過《魔法禁書目錄》嘅朋友，相信都唔會對「砲姐」御坂美琴踢汽水機一幕陌生。日前 Square Enix 為咗慶祝手機遊戲《魔法禁書目錄 幻想收束》（とある魔術の禁書目録 幻想収束）上市滿半年，特別舉辦慶祝活動。除咗將踢汽水機呢幕實體化之外，仲搵埋知名 Coser 伊織もえ Cos 御坂美琴，親身重現腳踢汽水機一幕！

現時只要大家去丸之內線新宿站，就會見到呢部「とある電撃姫の蹴自販機」，仲有得玩添。只要踢得夠狠，就有機會得到限定貼紙，不過展出期就只有一個星期，由今日擺到 1 月 26 號就無啦，如果呢個星期會去開東京嘅朋友就順便去踢下啦。