相信大家一定有玩過唔同版本嘅「泡泡龍」遊戲，呢隻由 TAITO 開發嘅經典遊戲，玩法簡單，不過就相當要技巧，所以時至今日都仲係老少咸宜嘅熱門遊戲。

黎緊「泡泡龍」將會用《東方》合作，推出主題版遊戲《東方 Spell Bubble（東方スペルバブル）》，對應 Switch 平台，數位版限定，日版售價為 5,800 円（連稅）。

今集遊戲主角為「博麗霊夢（CV：諏訪彩花）」以及「霧雨魔理沙（CV：大空直美）」，除左搵黎原班聲優為角色配音，仲可以見到各個東方嘅角色，並於傳統泡泡龍遊戲入面加入各個角色嘅必殺技！相信無論係泡泡龍玩家，抑或東方嘅 Fans，呢隻《東方 Spell Bubble》都非常有入手嘅價值。

除此之外，遊戲中亦會聽到東方系列嘅經典樂曲，亦會有全新為作品而創作嘅音樂；如果你未聽過任何東方嘅音樂，以下係我個人其中一首喜歡嘅作品「月に叢雲華に風」：

遊戲目前未有遊玩片段公開，有新消息會再同大家報導。