Capcom 於 1 月 15 日於網上公開《Biohazard RE:3》第二條遊戲宣傳影片。有玩過《Biohazard 3》嘅朋友，相信都會覺得追蹤者 Nemesis 真係好煩好痴身，今次呢條影片就完美展示左大量女主角 Jill 與追蹤者對恃、甚至被攻擊嘅各種畫面。

Jill 自從經歷《Biohazard》第一集嘅洋館事件之後，一直追查 Umbrella 公司嘅地下業務；與此同時，為左抹殺所有知道洋館事件嘅人，Umbrella 公司派出隊伍。美國聯邦政府則為左免除後患，所以決定於沅熊市投下核彈。《Biohazard 3》就係講述 Jill 一邊搵出真相，一邊逃亡嘅故事。

《Biohazard 3》首次推出為 1999 年 9 月 22 日，當時對應平台為 PlayStation。時隔 21 年，呢隻當時評價極好嘅經典作品，亦會繼 2019 年嘅《Biohazard Re: 2》嘅後塵，重新製作為全新嘅《Biohazard Re:3》。

新釋出嘅片段中，亦會見到男主角 Carlos 唔少英勇畫面，不過最搶眼嘅都係登場率超高嘅追蹤者，相信《Biohazard Re:3》一定又會再次掀起一股玩家熱潮。

遊戲預計於 2020 年 4 月 3 日推出，對應平台為 PS4、XBox One 及 PC。