唔知大家有無試過幾個人用 Tabletop mode 玩 Switch，唔知係 Mon 太細定視角問題，比起用電視玩又或者一人一機發揮得差（唔係賴地硬！）。日前任天堂就正式針對呢個問題發展新技術，並且正在申請專利，透過新技術將會令多位玩家玩遊戲時發揮得更好！

根據外媒 Japanese Nintendo 報導，任天堂已經係日本申請咗新嘅 Tabletop mode 模式專利（特開2019-208873）。呢個專利主要係提高使用單一顯示器時，增強多個用戶一同遊玩時嘅樂趣。透過新專利模式，信息圖像將會以不同方向排列，從而提升多人遊戲時玩家視野，令玩家更容易睇清楚遊戲中嘅情況。

專利案圖片以《Wii U Party》以及《Mario Party 8》作演示， 因為呢個專利同時聲稱可以進一步改善 Wii U 遊戲嘅多功能性。考慮到《Mario Kart 8 Deluxe》、《New Super Mario Bros. U Deluxe》其實都係 Wii U 移植加強版，以上二隻遊戲亦都有機會以加強版名義出多次落 Switch。

以上嘅專利圖片其實只係整個專利案部份圖片，有興趣嘅朋友可以上去 J-PlatPat 度睇。