任天堂位於京都最歷史悠久嘅舊總部將改建為酒店,其預計 2021 年完工並投入使用。
任天堂始創於 1889 年,當時以生產日本傳統卡牌遊戲「花札」為主,於 1970 年代才往家庭用遊戲機方向發展;而今次改建嘅舊總部,為任天堂 1930 年代沿用嘅辦公室,呢棟建築物雖然已經目前丟空,但因為門外有初代任天堂標記(當時仍然名為「山內任天堂」),所以一直都仲係唔少遊客嘅打卡熱點。

舊總部外嘅歷史性標誌
今次嘅酒店改建計劃,預計事成後將可提供 20 間客房,並會有酒吧、餐廳以及健身房,相信到時依然會成為京都旅客嘅新一代寵兒;以下為酒店的概念設計。
不過,如果你想一覽總部嘅原始容貌,或者就要動作快啲了,因為重建工作馬上就會展開。如果黎唔切出發去京都嘅朋友,我亦都搵左一啲總部嘅圖片比大家了解更多!

當時仍未定為名「任天堂株式會社」,呢個名始用於 1889 年

大門位置。圓圈福字相信係有公司舊時代名「丸福株式會社」嘅意思

側貌