《Tom Clancy’s The Division 2》（湯姆克蘭西：全境封鎖 2）推出市面都有一段時間，相信大家都好耐無返華盛頓，不過最近 Ubisoft 出咗個更新可能大家會有興趣返去開 Game。今次更新增加一個超 Hardcore 新模式，因為係呢個模式下，所有玩家只有一條命，死咗就乜都無，名乎其實「生命無 Take 2」！

今次 6.1 版本更新其實係聖誕節節慶活動更新，會有一連串活動以及獎勵，詳情可到官網查看。重點超 Hardcore 新模式「硬派模式」雖然遊戲內容同普通模式一樣，但係玩家只有一條命，一旦死忙將會失去所有裝備、等級、遊戲進度等等，有玩過《Diablo 2》「死亡模式」嘅玩家應該唔會陌生。要開始呢個模式玩家需要創建一位新嘅特工，而當玩家升到 LV 2時就會有頂「人生只有一次」帽作為獎勵。

「人生只有一次」帽

喺「硬派模式」中玩家依然可以使用配對、八人副本、進入暗區 PVP，不過只會配對同樣使用「硬派模式」嘅玩家。而喺暗區中遇到嘅同樣會係「硬派模式」特工，由於死咗就無乜都無嘅關係，暗區中嘅戰鬥會異常刺激，單拖的話真係唔好亂入。

《Tom Clancy’s The Division 2》6.1 改版更新已於 12 月 10 日實裝，目前「硬派模式」仍處於 Beta 測試中，到正式完成時可能會有所不同。有興趣嘅玩家盡快試下啦。